Komputer Guoblog
Nalika ono program internet mblebu ndeso, Bayan Semun tertarik karo omonge tukang telpon, jare komputer kuwi alat canggih, mesin pinter, iso mikir dewe… Mulane gak kakehan mikir, dina iku sepeda montore sing tas dicicil telung sasi, di sekolah no nang nggadhean swasta.. deweke terus bablas nang pasar loak arep tuku komputer
"Halah… ra sah kursus-kursusan. .. wong mesin pinter ae kok.. mesthi isoh lah carane nglakokne", ngono pikirane. Akhire komputer pentium lengkap sak printere wis tekan omahe. Bayan Semun iku masiyo ndak ngerti tapi kemlinthi lan gedhe gengsine… mulo sungkan nek arep njaluk ajar uwong…
"ndak dikira goblog" (padahal ya gak ngerti tenan)… komputer dipasang dewe. Merga wis nate mbantu Pak Lurah masang komputer nang kelurahan, mulo nek mung carane ngecopne lan nyambung-nyambunge kabel ya gak masalah… Nanging nalika diuripne… komputer ana tulisane "printer not found". Weruh tulisan ngono mau.. Bayan Semun gak kurang akal, ponakane sing sekolah wis sekolah smp diceluk.. "Nang.. deloken komputerku, iki mau nembe tuku… iki mesin pinter… nek kowe cah pinter mesthi ngerti artine tulisan iku?’ kandhane Bayan Semun pura-pura nge-test..
"Gampang… printere mboten kepanggih leres mboten Lik" jawabe
"Sembarangan. .. iki mesin printer ya jelas salah", jawabe bayan Semun.
Tapi batine ragu-ragu,
"Engko gek kuwi bener, tapi gak mungkin nek mesin sak mono gedhene gak eruh.. eh gek aku diapusi karo Koh Abun sakjane iki mesin guuuooblog.. .", Bayan Semun duwe pikiran nek diapusi karo sing dodol..
"Koh… kowe aja ngapusi yaa… wong komputer goblog kok diomongne pinter, mosok printer gedhene sak mene kok gak iso nemokne ki piye", Bayan Semun protes.
"Ora nemu piye"
"Lha iki tulisan .. printer not pond iki"
"Owalah kang Bayan… kuwi dudu komputere sing goblok tapi durung lengkap syarate maksude isik butuh driver.."
"Maksude butuh sopir ngono.. lha ku aku iki lak ya wis siap nyetir komputer ta"
"Tunggu ae.. engko tukangku tak kon mrono."
Mumpung isik nyambung karo Koh Abun…Bayan Semun kepingin takon sisan. Sing mendorong dekne nekat tuku komputer iku sakjane merga kepingin iso ndelok gambar wong wedok mliding, wis kepingin arep ngobrol karo tanggane kang supri sing saiki nang amrik, kepingin ngirim duwik lan mbayar tagihan listrik.
"Koh nek aku arep ngirim kabar nyang ponakanku sing nang Hongkong piye?"
"Kowe kudu ngerti alamate"
"Wis tak tulis lengkap alamate kok, malah tak lengkapi si Panjul ponakane Bayan Semun, asline Kampung Pingkuk, nang Hongkong tahun 1998 dikirim biro jasa Bumen Rejo Abadi.. tapi kok gak ketemu karo bocahe yaaa.."
"Mosok alamate ngono… Nek gak ngerti persise sampeyan bisa lacak saka IPene"
"IPe sing endi… wong bocahe iki isik bujangan ya mesthi durung nduwe
dulur IPe ta.."
"Wis kang.. kumputermu bungkusen maneh kirim balik mrene, duwekmu tak balekno, montormu tebusen meneh
0 comments:
Posting Komentar